धरान । धरान उपमहानगर वडा नम्बर १८ स्थीत बिपि कोईराला स्वास्थ्य बिज्ञान प्रतिष्ठान परिसरमा एक बेवारिसे महिलाको लाश भेटिएको छ ।

बुधबार दिउसो करिब २ बजे एक महिला धरान १८ निवासी मन कुमारी लिम्बु बाख्रा चराउने क्रममा बिपि क्याम्प धरानको पुरुष छात्रावास र डिपोट स्कुलको बिचमा पर्ने खोल्सिमा एक ब्यक्तिको लाश जस्तो देखेपछि नजिकैको स्कुलको शिक्षकलाई खबर गरेका थिए ।

प्रत्यक्षदर्शि मनकुमारीले लाश जस्तो देखेपछि बोलाएर देखाएपछि प्रहरीलाई डिपोट स्कुलको शिक्षकले खबर पुगेको प्रत्यक्षदर्शी मनकुमारीले बताए । बाख्रा धपाउने क्रममा खोल्सातिर जाँदा पुरुष होकि महिला नचिन्ने अवस्थामा घोप्टो अवस्थामा देखेको बताए ।

तालिमप्राप्त दुईवटा कुकुर समेत परिचालन गरिएको थियो । लाशलाई प्रहरीले उठाई अहिले बिपि कोईराला स्वास्थ्य बिज्ञान प्रतिष्ठानको शवगृहमा राखिएको छ । बेवारिसे लाश भेटिएको नजिक डिएसपीको क्वाटर समेत रहेको छ ।