धरान । धरान उपमहानगरकार्यपालिका बैठक आज (फागुन ८ गते ) बोलाएको छ ।

मंगलबार कार्यपालिका बैठक रहेको कुरा मेयर हर्क साम्पाङले सामाजिक संजाल फेसबुकमा समेत सार्वजनिक गरेको छ । फागुन ८ गते दिनको २ बजे कार्यपालिका बैठक बस्ने कुरा सामाजिक संजालमा सार्वजनिक गरिएको छ ।

आज बस्ने बैठकको एजेन्डा के के छन भन्ने कुरा धरान उपमहानगर वडा नम्बर १४ का वडा अध्यक्ष कृष्णप्रसाद भट्टराईले पार्क सूचीकरणको विषय भएको जानकारी दिए । वडा अध्यक्ष भट्टराईले आफु ब्यक्तिगत कामले बाहिर रहेको भन्दै कार्यवाहक वडा सदस्य झरना सुनुवारलाई दिएको पनि जानकारी दिए । भट्टराईले आज आर्थिक सहयोग लगायतका एजेन्डा रहेको जानकारी दिए । वडा अध्यक्षलाई आफ्नो वडा परिसरमा रहेको बुद्धिकर्णको प्रतिमा बनाउने विषयमा एजेन्डा छ कि छैन भन्ने प्रश्नमा त्यो नभएको जानकारी दिए ।

कार्यपालिका बैठकबाट नै दरवार परिसर अभिलेखिकरण गरि पाउ भनेर किरात याक्थुम चुम्लुङ धरानले मेयरलाई ध्यानाकर्षणपत्र मार्फत यस अघि माग गरिसकेको छ । चुम्लुङले कार्यपालिका बैठक मार्फत नै एजेन्डा पास गराई अभिलेखिकरण गर्न र बुद्धिकर्ण रायको प्रतिमा स्थापना गर्ने चुम्लुङको उदेश्य रहेको कुरा चुम्लुङ सुनसरी र धरान समितिले माग गरेको छ । यस विषयमा चुम्लुङ धरान नगर अध्यक्ष तिर्थ मादेनसंग बुझ्दा केहि दिन अगाडि पुनः ध्यानाकर्षण गराएको जानकारी दिए । वडा नम्बर १४ ले सिफारिस गरिदिएको भन्दै मेयर समक्ष अभिलेखिकरणको लागि पुर्‍याएको मादेनले जानकारी दिए । अध्यक्ष मादेनले भने – `चार किरातसंग सल्लाह गर्छु भनेको छ ।´ मेयरले चार किरातसंग सल्लाहपछि त्यसलाई कार्यान्वयनमा लाने भएको बुझिएको हो । चार किरातसंग नै सल्लाह गर्नुपर्ने भए पनि छिटो गरिदिए मेयरकै कार्यकालमा निर्माणकार्य सम्पन्न हुने कुरा अध्यक्ष तिर्थ मादेनले जानकारी दिए ।