कानेपोखरी समाचारदाता
मोरङ २१ भदौ । दिवाकर भट्टराईको निर्माण र निर्देशनमा तयार हुन लागेको चलचित्र ‘मायावी’ को घोषणा भएको छ। वर्कसपको काम चलिरहेको चलचित्र असोज २ गतेबाट सुटिङ्ग हुने भएको छ । पोखरामा सम्पूर्ण छायाकन गरिने चलचित्रमा अभिनेत्री दिपिका प्रसाई मुख्य अभिनेत्रीको रुपमा रहेकी छिन्।

यहि चलचित्रमा आशिर्वाद क्षेत्री नायकको रुपमा अभिनय गर्ने खबर बाहिरिएको थियो। चलचित्रमा अन्य दुई अभिनेता फाइनल भएको र चाडै सार्वजनिक गर्ने तयारिमा निर्माण टिम रहेको छ । ‘ऐश्वर्या’ पछि दिवाकर र दीपिकाको दोस्रो पटक सहकार्य गर्दैछन् । क्रिएटिभ सिने आर्टस्ले निर्माण गर्न लागेको चलचित्रमा एसडी योगीको संगीत, राम थापा अविरलको गीत रहनेछ ।