धरान । डेङ्गि प्रभावित क्षेत्र धरान उपमहानगरपालिका वडा नम्बर ४ को खैरेनीटारमा बसोबास गर्ने वडाबासीलाई सामग्री बितरण गरिएको छ ।

काठमाडौबाट विभिन्न संघसंस्थाबाट आएका आठजनाको समुहले बुधबार बिहान वडा समितिको कार्यालय धरान ४ बाट वितरण गरिएका थिए । वितरण गरिएका सामग्रीमा झुल,टावल,पानीको बोतल,र्‍याकेट,थर्मोमिटर,ग्लुकोज,लगायत रहेका छन ।
युके एड,स्टारट फण्ड नेपाल,कतार च्यारिटि,एन्टिएजि,हिल नेपाल र हुसाडेकबाट संयुक्त रुपमा ८ जनाको टोलि धरान आएका थिए । एक प्याकेजमा रहेको सामग्री जम्मा ७५० प्याकेट रहेको जनाएको छ । मंगलबार उक्त सामग्री मेयर हर्क साङ्पाङको नेतृत्वमा सर्च एन्ड डिस्ट्रोए (खोजि र नष्ट) गर्ने क्रममा धरान उपमहानगर वडा नम्बर १५ खोरिया बस्तिमा बितरण गरिएका थिए । बुधबार वडा नम्बर ४ को खैरेनीटारमा जम्मा २६० जनालाई वितरण गरिएको कुरा वडा अध्यक्ष धनबहादुर राईले जानकारी दिए । वडाको डेङ्गि प्रभावित रहेको सो स्थानमा निम्न बर्ग,ज्येष्ठ नागरिक,गर्भवती महिलाई वितरण गरिएको जानकारी दिए ।

बाँकी रहेका सामग्री अन्य वडा जहाँ डेङ्गि प्रभावित छ त्यहाँ वितरण गरिने कुरा काठमाडौबाट आएका सहयोगी संस्थाका प्रतिनिधिहरुले जानकारी दिए ।