दिपेश सार्की कानेपोखरी समाचारदाता

उर्लाबारी २ भदौ । माेरङकाे सुनझोडामा भएको दुर्घटनामा प्रहरीकाे लापरबाही भन्दै मृतकका आफन्तले उर्लाबारी चौकमा राजमार्ग अवरुद्ध गरेका छन ।

पूर्वपश्चिम राजमार्ग अन्तर्गत नयाँमंगलबारे खण्डमा यात्रु चडाउन रोकेको मे १ ख २४२३ नम्बरको सार्वजनिक बसमा को १३ प ६१३० नम्बरको मोटरसाइकल ठोक्किदा गम्भिर घाईते भएका कमल गाउपालिका ३ झापाका ४३ वर्षिय गोपालप्रसाद पौडेलको उपचारको क्रममा मृत्यु भएको थियो ।
दिउसो ३ः१० बजे सन्झोडा पुल ५० मिटर पूर्व रोकेर यात्रु चढाउने क्रममा रातो रंगको डल्फिन यातायातको पछाडिको भागमा पश्चिमबाट आउदै गरेको मोटरसाईकल ठ‍ोक्किएर दुर्घटना भएको प्रहरीले जनाएको छ ।

दुर्घटनामा गम्भिर घाईते भएका पौडेललाई तत्काल उर्लाबारी -३ मंगलबारेस्थित मदन भण्डारी अस्पताल तथा ट्रमा सेन्टरमा लगेतापनि उनको उपचारको क्रममा मृत्यु भएको थियो ।