बजेट आउँछ करोडौं, भलुवा सिमसार हिलोमै

दिपेश रोक्का

कानेपोखरी । मोरङको कानेपोखरी – ७ मा रहेको भलुवा सिमसारको काम करोडौं बजेट आउँदा पनि अलपत्रमा परेको छ।

सिमसार को निर्माणको काम सुरु भए पनि अहिलेसम्म पनि निर्माण कार्य सम्पन्न्न भएको छैन । भलुवा सिमसारलाई पुर्बकै नमुना पर्यटकीय क्षेत्र बनाउन निर्माण कार्य सुरु भएको थियो। कानेपोखरी गाउँपालिकाको अध्यक्ष तारा बहादुर काफ्ले हुँदा नै भलुवा सिमसार को शिलान्यास उनले आफै गरेका थिए ।

भलुवा सिमसार निर्माणको लागि ३ करोड ६५ लाख ९८ हजार ८७० रुपैयामा ´ स्काई सएस मुटुयल जेबि ´ ठेक्का लिएको थियो । अहिलेसम्म आधा काम मात्र सम्पन्न भएको छ । ठेकेदार कम्पनीले दुई बर्ष भित्र काम सम्पन्न हुने गरि काम सुरु गर्न लागेको वडा नं.७ का वडा अध्यक्ष मोहन प्रसाद अधिकारी ले बताएका थिए । करिब दुई बर्ष बितिसक्न लाग्दा पनि भलुवा सिमसारको काम आधा पनि सम्पन्न भएको छैन ।

कानेपोखरी गाउँलालिकाको वर्तमान अध्यक्ष राजमती इङनामले वनक्षेत्र भित्र पर्ने भएकाले र केन्द्रबाट बजेट नआएको कारण काम रोकिएको बताइन। वनले कार्ययोजना बनाएपछी काम फेरि छिटै बनाए पछि सुरु हुने बताएकी छिन् ।

ग्रामीण सुधार सामुदायिक बन कानेपोखरीको कार्ययोजनाको म्याद सकिएको कारण र नवीकरण नगरेको कारण काम रोकिएको जिल्ला बन कार्यालय मोरङका सुचना अधिकारी राम लखन ठाकुरले बताउनु भयो । कार्ययोजनाको नवीकरण ग्रामिण सुधार सामुदायिक बन कानेपोखरीले गरे पछि काम पुन सुरु हुने सुचना अधिकारी ठाकुरले बताउनु भयो ।

कानेपोखरी गाउँपालिकाले यस बर्ष भलुवा सिमसार को लागि बजेट केन्द्रिय सरकारबाट बजेट आउने भएको कारण सिमसारको लागि पालिकाले बजेट नछुटाएको अध्यक्ष इङ्नामले बताइन। त्यस्तै पोखरी को खाल्डो सफा गर्ने काम भाको , कलपट निर्माण भाको , रमाइलो जाने पैनीमा क्यानल निर्माण भाको वडा नं ७ का वडा अध्यक्ष मोहन अधिकारिले बताए । भलुवा सिमसार को काम ४०प्रतिशत मात्र भाको बताए ।

पुर्व मन्त्री भानुभक्त ढकालले `भलुवा सिमसार ´लाई पर्यटकिय क्षेत्र को रुपमा बिकास गर्न ५ करोड बजेट बिनियोजन गरेका थिए । मन्त्रालय बाट ७० प्रतिशत र गाउँपालिका ले ३० प्रतिशत व्यवहोर्ने गरि रकम बिनियोजन गरिएको थियो ।

पुर्ब पश्चिम राजमार्ग कानेपोखरी चोकदेखि करिब तीन किलोमीटर दक्षिणमा रहेको सिमसार तथा जलाधार क्षेत्रमा सिमसार रहेको छ । ग्रामीण सुधार सामुदायिक वन उपभोक्ता समूहको क्षेत्र भित्र रहेको तल्लो भागमा मात्र करिब १४ हेक्टर जमिनमा सिमसार फैलिएको छ ।

वन्यजन्तुको लागि सानो चिडियाखाना , ट्री हाउस , वनभोज खाने कटेज , स्वागत गेट , कल्भट , विश्रामलय , पाले बस्ने ठाउँ शौचालय , पोखरी विस्तार तथा सफा गर्ने , पोखरी को विचमा मा पुलको निर्माण , सभा हल सहित को पाहुना वस्ने घर जस्ता जस्ता संरचना निर्माण हुने भनिएको थियो । अहिले सम्म भनिएका आधा काम मात्रा सम्पन्न भएको छ ।

उति खेर तत्कालीन वन समितीका अध्यक्ष हरि पौडेलले भलुवा सिमसार क्षेत्रलाई वनको भावी कार्ययोजनामा समेटि १० बर्षमा पुर्वकै प्रमुख पर्यटकीय स्थल बनाउने घोषणा गरेका थिए । उति खेर बजेट अभाव को कारण काम हुनु सकेको थिएन ।

यस सिमसार संरक्षण र सम्बर्द्धनको लागी लाखौ बजेट निकासा भएपनी यस्को उन्न्ती र सोचेअनुरुप नभएको स्थानीय को भनाइ रहेको छ।

यो खबर पढेर तपाईलाई कस्तो महसुस भयो ?
शेयर गर्नुहोस:
प्रतिक्रिया दिनुहोस

Discussion about this post

सम्बन्धित समाचार

Related Posts

ट्रेन्डिङ
भर्खरै प्रकाशित