धरान । इजि राईडर गोल्ड सपका संचालक तथा श्रेया वचत तथा ऋण सहकारीका संचालक चन्द्र खापुङ र लोकबहादुर खापुङले १०६ जनाको १८ करोड ३६ लाख ४३ हजार रुपैया वचत फिर्ता नगरेको भन्दै घरमा नाराबाजी गरेको छ ।

शुक्रवार खापुङको धरान १५ पाथीभरा लाइनमा रहेको घरमा पिडितहरुले प्लेकार्ड सहित नाराबाजी गरेको छ । धरान उपमहानगर वडा नम्बर १० निवासी नरबहादुर लिम्बुको १ करोड ५० लाख जम्मा गरेको पैसा फिर्ता नदिएको बताए । आफु सहित श्रीमती बिभिन्न रोगबाट थलिएको भन्दै उपचार गर्ने पैसा नभएको बताए । त्यसैगरी धरान १३ निवासी निर्मला सुब्बाले घर बनाउने पैसा ५५ लाख रुपैया जम्मा गरेको बताए । कोरोनाको लकडाउन अगाडि जम्मा गरेको पैसा फसिएको बताए । यतिबेला घरमा झगडा भएको भन्दै किस्तामा दिए पनि हुने अपेक्षा बताए । त्यसैगरी धरान १६ निवासी इन्द्र आलेले ब्याजकै लोभमा ४५ लाख रुपैया राखेको बताए । उनि पनि पिडित मध्येका घर घेराउ गर्न आएको बताए । उनले संचालक विरुद्ध मुद्दा  गरेको जानकारी दिए । उनले हालसम्म १०६ जना पीडित सम्पर्कमा रहेकोभन्दै अरु पनि हुनसक्ने बताए ।

चन्द्र खापुङको सुनचाँदी पसल समेत रहेको धरान १५ पाथीभरा लाईनमा रहेको घर यतिबेला तालाचाबि लगाएर बन्द छ । करिब ३ वर्षदेखि वचतकर्ताको रकम भुक्तान नगरेको पिडितको आरोप छ । संचालक मध्ये चन्द्र खापुङ संपर्कबिहिन रहेको भन्दै संघर्ष समितिले उनि युके गएको दाबि गरिएको छ । तर युकेबाट पनि चन्द्र खापुङलाई लखेट्ने चेतावनी दिए । त्यसैगरी उनका छोरा लोकबहादुरलाई सुरक्षा निकायको उच्च ब्यक्तिबाट संरक्षणमा रहेको दाबि गरिएको छ । जिल्ला सरकारी वकिल कार्यालय वडा समिति कार्यालयमा उजुर गरेको भन्दै ३५ दिने म्याद १५ दिने म्याद समेत काट्दा समेत अटेर गर्नुले संरक्षणमा रहेको दाबि गरे ।

धरानमा केहि समयदेखि वित्तिय कारोबार गर्ने सहकारी भाग्ने क्रम जारी छ भने सहकारी भित्रभित्रै डुब्ने क्रम उत्तिकै छ ।