दिपेश रोक्का
पथरी, असार । मोरङको पथरी शनिश्चरे नगरपालिकाले अग्रज पत्रकार फिपराज बेघालाई सम्मान गरेको छ । साथै नगरको उत्कृष्ठ मिडियाका रुपमा प्रदेश दैनीककालाई पुरस्कृत गरेको छ ।

पथरी शनिश्चरे नगरपालिकाले बार्षिक रुपमा सञ्चार मिडिया प्रबर्द्धन कार्यक्रम अन्तर्गत अग्रज पत्रकार सम्मान तथा एक उत्कृष्ट सञ्चार गृहलाई पुरस्कार प्रदान गर्दै आएको छ । नगरपालिकाले यो बर्षको पत्रकार सम्मानबाट बेघालार्ई र उत्कृष्ठ अनलाईन प्रदेश दैनीकलाई पुरस्कृत गरेको हो ।

सम्मानीत बेघा २०५७ सालदेखी साहारा द्वैमासिक पत्रीकामा कार्यकारी सम्पादक भई पथरी शनिश्चरे नगर क्षेत्रमा पत्रकारीता गर्दै मोफसलको पहिलो साप्ताहिक पत्रिका मोफसल साप्ताहिकमा लामो समय काम गरेका पत्रकार हुन । एलएलबिसम्म अध्ययन गरेका बेघाले साईनोखबर डटकम, संघिय साप्ताहिक क्रेजी टडकममा काम गरीसकेका छन भने उनि हाल सेवारो पोष्टमा सम्पादक रहेका छन् ।

सम्मानीत बेघालाई नगर प्रमुख मोहन प्रसाद तुम्वापो, प्रमुख प्रशासकीय अधिकृत लक्ष्मीप्रसाद खरेलले संयुक्त रुपमा पत्रकार मुहार पेन्टिङ सम्मानपत्र र दोसल्ला ओढाएर सम्मान गरेका थिए । त्यस्तै प्रदेश दैनीकका सञ्चालक भिमराज अधिकारीलाई उत्कृष्ट मिडिया प्रमाणपत्र र दोसल्ला ओडाएर सम्मान गरीएको थियो ।

पुरस्कार प्रदान कार्यक्रममा बोल्दै सम्मानीत बेघाले पत्रकारीतामा अराजकता बढेको बताउदै पत्रकारले अराजकतालाई अनुसरण गर्न नहुने बताए । बेघाले आफुले पाएको सम्मानले थप जिम्मेवारी बढेको महसुस गरेको बताएका छन् । यस्तै नगर प्रमुख मोहन प्रसाद तुम्वापोले नगरको विकासमा पत्रकारको अहम भुकिका रहेको बाएका थिए ।

नगरपालिकाले सञ्चार क्षेत्रको विकासको लागि २०७५ सालमा सूचना तथा सञ्चार कार्यविधि ल्याएर पत्रकारलाई सम्मान, पुरस्कार र नगरमा स्थापित मिडिया हाउसहरुलाई वार्षिक रुपमा प्रोत्साहन स्वरुप रकम प्रदान गर्दै आएको छ ।