काठमाडौ । केहि महिना अघि उपचार गर्न गएका राष्ट्रपति रामचन्द्र पौडेलको उपचार खर्चसहित ५५ लाख रुपैया निकासा गरेको पाईएको छ ।

परराष्ट्र मन्त्रालयले अर्थ मन्त्रालयलाई असार १८ गते रकम निकासाको लागि लेखिएको पत्र सार्वजनिक भएपछि पौडेलको उपचार खर्च वापत ५५ लाख २ हजार २७९ रुपैया निकासाको माग गरिएको छ ।

पत्रमा राष्ट्रपति रामचन्द्र पौडेल स्वास्थ्य परीक्षणका लागि २०८० वैशाख ६ देखी श्री एयरलाईन्सको चार्टर एयर एम्बुलेन्सको उडान मार्फत भारतको नयाँ दिल्ली प्रस्थान गरेको जनाएको छ । २०८० वैशाख १७ मा नेपाल बायुसेवा निगमको नियमित उडानबाट नेपाल फर्किएको उल्लेख गर्दै उक्त अवधिमा लागेको खर्चको बिल भपाई भुक्तानीका लागि पेश भएको जनाएको छ । पत्रमा सो भुक्तानी गर्न बजेट व्यवस्थापनका लागि अर्थ मन्त्रालयको च.नं.८३७ मित २०८०/०३/११ वाट स्वास्थ्य उपचार लगायतको खर्चका लागि प्रचलित कानून तथा स्वीकृत मापदण्ड बमोजम खर्च गर्ने गरी ५५ लाख ४ हजार ६ सय ५४ को सहमति प्राप्त भएको उल्लेख छ ।

पत्रमा उक्त कार्यक्रमका लागि भएको यथार्थ खर्चको बिल भपाई बमोजिमको रकम सम्बन्धीतलाई भुक्तानी दिने प्रयोजनका लागि रु.५५,०२,२७९/- (अक्षररूपी पचपन्न लाख दुई हजार दुई सय उनासी मात्र) खर्च शीर्षक नम्बर र क्रियाकलापमा बजेट निकासाका लागी अर्थ मन्त्रालयमा लेखि पठाउन असार १८ गतेको सचिब स्तरको निर्णयको प्रतिलिपि र अन्य आवश्यक कागजातहरु साथ संलग्न राखी पठाईएको पत्रमा उल्लेख छ ।

सर्वसाधारण जनता सिटामोल नपाएर मृत्युवरण गर्न वाध्य भैरहेको अवस्थामा राष्ट्रपति उपचारको लागि ५५ लाख निकासाले जनतामा आक्रोश छाएको छ ।

पौडेलको उपचारको क्रममा राष्ट्रपतिको स्वकीय सचिवालयले २०८० बैशाख १९ गते प्रेस नोट जारी गर्दै उपचारका क्रममा भएको उपचारको खर्च राष्ट्रपति स्वयंले ब्यहोर्न चाहेको जनाएका थिए । उक्त पत्र सार्वजनिक भएपछि चौतर्फी रुपमा स्वागतसंगै ब्यहोर्ने प्रतिबद्धता नभै चाहेको मात्र भनेर आलोचना गरेका थिए । ठिक अहिले ५५ लाख रुपैया निकासाले तत्कालीन आलोचना र अनुमान यतिबेला साबित भएको छ ।