धरान । काठमाडौ महानगरपालिकाका मेयर बालेन साहपछि धरान उपमहानगरपालिकाका मेयर हर्क साङ्पाङले हिन्दि चलचित्र आदिपुरुष नचलाउन निर्देशन दिएको छ ।

मेयर साङ्पाङले सामाजिक संजाल फेसबुकमा स्टाटस लेख्दै आदिपुरुष नचलाउन भनिएको छ । मेयर साङ्पाङले स्टाटस लेखेका छ्न -“धरानमा आदिपूरुषको प्रदर्शन नगर्नु होला ! जय देश । “

एक संवादका कारण विवादमा आएको दक्षिण भारतीय फिल्म ‘आदिपुरुष’ नेपालमा खैलाबैला बनेको छ । मेयर बालेनले समेत चल्न नदिने भनेपछि सोमबारदेखि काठमाडौं महानगरपालिकाभित्र प्रदर्शन नहुने भएको छ । काठमाडौं महानगरपालिकाका प्रमुख बालेन्द्र शाहले फिल्मको विवादित संवाद ‘जानकी भारतकी छोरी हुन्’ लाई फिल्मको मूल भागबाटै नहटाएसम्म काठमाडौंमा प्रदर्शन गर्न नदिने निर्णय गरेपछि फिल्म प्रदर्शकले पनि सोमबारदेखि फिल्मको प्रदर्शन स्थगित गरेका छन ।