धरान  । धरानबाट प्रकाशन हुँदै आएको पत्रीका दिव्य रोशनी  साप्ताहिकले ३ जना पत्रकारलाई पुरस्कार प्रदान गरेका  छन ।

पत्रीकाको १९ औ वार्षिकोत्सवको अवसरमा बिहिवार पुरस्कार प्रदान गरिएको हो । धरान उपमहानगरपालिकाका मेयर हर्क साङ्पाङको प्रमुख आतिथ्यमा भएको वार्षिक उत्सव कार्यक्रममा पत्रीकाका प्रकाशक/सम्पादक मनिता चाम्लिङका बुबा क्विन गोर्खा ईन्जियिरिङ्ग सार्जन्ट स्व.प्रभुराम राईको स्मृतिमा स्थापना गरिएको उत्कृष्ट सामाजिक पत्रकारिता सम्मान भैरव आङला र बिनादेवी तामाङलाई नगद ५ हजार ५ सय ५ रुपैयाँ पुरस्कृत भएका छन् । त्यसैगरी ‘श्रव्य दृश्य’ अनलाइनका नवराज विष्टलाई मनिताका कान्छा दाजु वाजुन राईको स्मृतिमा स्थापित ५ हजार ५ सय ५ रुपैयाँ राशिको सृजनशील पत्रकारिता पुरस्कार प्रदान गरिएको हो ।

कार्यक्रममा ईलाका प्रहरी कार्यालय धरानका डिएसपी नवराज मल्ल, वरिष्ठ पत्रकार हर्ष सुब्बा,कार्यपालिका सदस्य सिर्जना नेपाल, पत्रकार महासङ्घ सुनसरी कार्यसमिति सदस्य शान्ता निरौला, महिला सञ्जालका पदाधिकारी,लगायतको उपस्थिति थिए ।