धरान । स्मार्ट गाइज समुहले खुवालुङ सम्मको पदयात्रा सम्पन्न गरेको छ । ´हिड्छ युवा बढछ युवा` नाँराका साथ यो समुहले शनिबार त्रीवेणिमा अवस्थित खुवालुङसम्म पदयात्रा गरेको हो । खुवालुङलाई किराँतिहरुको आस्थाको केन्द्रको रुपमा पनि मानिने गरेको छ ।
समुहका सदस्य वरदान भरत राईका अनुसार धरानदेखि बराहक्षेत्र हुदै खुवालुङ अवस्थित स्थल त्रीवेणिसम्म पदयात्रा गरिएको थियो । युवाहरुको समुहबाट निर्माण भएको स्मार्ट गाइज समुहले भविष्यमा सामाजिक कार्यमा अग्रसर रहि सामाजिक संस्थाको रुपमा समुहलाई स्पाथित गरेर लैजाने राईले बताए । उनका अनुसार समुहले सृजनशिल युवाहरुलाई समाविष्ट,प्रोत्साहन गर्दै युवाहरूको नेतृत्व विकाश कार्यमा समेत निरन्तरता दिनेछ ।
युवाहरु वैचारिक र शारीरिक तवरले पनि स्वास्थ्य हुनुपर्छ भन्ने मान्यता सहित उत्त पदयात्रा आयोजना गर्नुको उदेश्य रहेको समुहका सदस्य नरेन्द्र राईले बताए । दोस्रो हप्ताको शनिबार सरसफाई क्याम्पिनिङ सहित समुहले धनकुटा जिल्लाको ऎतेहासिक गढि साँगुरिगढि सम्म पदयात्रा गर्ने समेत उनले जानकारी गराए ।
![Chisephayu_Logo[1]](https://chisephayu.com/wp-content/uploads/elementor/thumbs/Chisephayu_Logo1-qginm36ai75946gskzwn9g19mu2guq1m13ovbtgdni.webp "Chisephayu_Logo[1]"){kind=logo}
Discussion about this post