–दिपेश ईशारा
धरान ।जनता समाजवादी पार्टी निकट विद्यार्थी संगठन समाजवादी विद्यार्थी युनियनले जेब्रा क्रसिङ बनाएको छ ।

बिहिबार महेन्द्र बहुमुखि क्याम्पस धरान अन्तर्गतको समाजवादी विधार्थि युनियनले क्याम्पस परिसरको दुई मुख्य गेट अगाडी जेब्रा क्रसिङ र्व्ङ लगाएको हो ।

क्याम्पसको विद्यार्थीहरुको आवत-जावतमा सहजता प्रदान गर्न जेब्रा क्रसिङ बनाएको कुरा समाजवादी विद्यार्थी युनियन महेन्द्र बहुमुखि क्याम्पस ईकाई कमिटी अध्यक्ष तथा स्ववियु सभापति उम्मेदवार युवराज राई ( अलौकिक ) ले जानकारी गराएका छन । यसले क्याम्पस परिसरमा हुन सक्ने दुर्घटनालाई समेत नियन्त्रण गर्न सहयोग पुर्‍याउने उनले बताए ।

स्ववियु सचिव पदका उम्मेदवार बिनिता लिम्बुले क्याम्पस र क्याम्पसका विद्यार्थीको सुरक्षाका निम्ति विद्यार्थी को समेत दायित्व रहने बताउँदै यो कार्यले विद्यार्थी हरुको भावनालाई समेत जोडन मद्वत गर्ने बताएकि छिन ।

समाजवादी विद्यार्थी संगठनमा संगठित महेन्द्र बहुमुखि क्याम्पस पहिलो बर्षमा अध्ययनरत बिद्यार्थीहरु सँगको ईकाइ कमिटिको समन्वय र  जिल्ला ट्राफिक कार्यालय सुनसरीसँगको सहकार्यमा उक्त जेब्रा क्रसिङ निर्माण गरिएको हो ।