धरान । धरान उपमहानगरपालिकाका स्थानीयबासि स्वर्गिय भवनलाल सोनिको स्मृतिमा श्री क्षाबेनाङ्ज्यो शिङ्सा क्षोलिङ गुम्बालाई नगद ५१ हजार सहयोग गरेको छ ।

शनिबार गुम्बा परिसर पुगेर सोनिका छोरा श्याम सोनि बुहारी सितल सोनि सहितको आफन्त पुगेर रकम हस्तान्तरण गरेका हुन । उक्त रकम गुम्बाका अध्यक्ष बम्बु भोटे र कोषाध्यक्ष छजुङ भोटेले लिएका हुन । निर्माणाधीन अवस्थामा रहेको गुम्बालाई आर्थिक जुटाउने क्रममा विभिन्न ब्यक्ति संघसंस्थालाई सहयोगको हात फैलाउने क्रममा सोनि परिवारबाट सहयोग मिलेको हो । श्याम सोनिले हरेक वर्ष बुबाको स्मृतिमा आर्थिक सहयोग गर्ने क्रममा यसपटक यस गुम्बालाई सहयोग गरेको बताए । श्याम सोनिले बुबाको नाममा स्मृति प्रतिष्ठान नै स्थापना गर्ने योजना रहेको बताए । गुम्बालाई रकम हस्तान्तरण गर्दै बुहारी शितल सोनिले ससुराले सामाजिक सेवामा लाग्ने प्रेरणा दिइरहने बताए । त्यहि भएर पबित्र गुम्बाको लागि आर्थिक सहयोग गर्ने योजना अनुसार सहयोग उपलब्ध गरेको बताए ।

अनौपचारिक रुपमा हस्तान्तरण गरिएदा अध्यक्षबाट सबैलाई खादा लगाएर स्वागत गरेका थिए । रकम हस्तान्तरणको समय गुम्बाका उपाध्यक्ष मिक्मा भोटे,सुम्ब भोटे लगायत छेसाङ भोटे लगायतको उपस्तिथि थिए ।धरान उपमहानगरपालिका वडा नम्बर १५ बगरकोटमा निर्माणाधीन अवस्था उक्त गुम्बा रहेको छ । दुई तले उक्त गुम्बाको लागत स्टिमेट करिब एक करोडको छ । हाल भवन दुई तले बनिसकेको छ भने रंगरोगन गर्न मुर्ति राख्न मानि राख्न लगायत सम्पन्न हुन थप समय तथा आर्थिक आवस्यक रहेका छन । सो भवनको लागि गुम्बा बिकास समिति,संघीय सरकार,प्रदेश सरकार तथा ब्यक्ति संघसंस्था लगायतबाट आर्थिक सहयोग लिई निर्माण भैरहेको छ ।