धरान । धरान उपमहानगरपालिकाका मेयर हर्क साङ्पाङको कामको मुल्यांकन गर्दै श्रीमती जनकमाया तथा भुईदल राई फाउन्डेसनद्वारा प्रसंशा पत्रद्वारा सम्मान गरिएको छ ।

शुक्रबार मेयर हर्क साङ्पाङको कार्यकक्षमा फाउन्डेसनका अध्यक्ष गंगाराज राई सचिब किवाहाङ राई सहितको समूहले स्व. भुईदल राई वृक्षरोपण प्रसंशा पत्र २०७९ सहितले सम्मान गरेको हो ।

मेयर साङ्पाङले खानेपानी तथा वृक्षरोपण कार्यक्रम गरेको प्रति प्रसंशा गर्दै रोपिएका बिरुवाको स्याहारसुसार तथा संरक्षण गर्न भन्दै नगद १ लाख एक हजार समेत हस्तान्तरण गरिएको छ ।

२०४४ सालमा प्रकाशन भएको मेरो आँखामा : सुन फुल्ने पाखा पुस्तकको समेत स्मरण गर्दै त्यहि पुस्तकको भावनालाई मेयर साङ्पाङले वृक्षरोपण गरेर कार्यान्वयन गरिएको प्रसंशा पत्रमा उल्लेख छ ।भोजपुर जिल्ला हतुवागढिमा २०७५ सालमा स्वर्गीय आमा जनकमाया राई र बाबा भुईदल राईको नाममा छोरा गंगाराजले स्थापना गरेको फाउन्डेसन हो ।