रामेछाप । उमाकुण्ड गाउँपालिका गुम्देल, बाम्ती र कुम्बुकास्थालीका नागरिकहरूलाई बालबालिका सहयोग नेपालद्वारा प्रति घरदुरी एक बोरा मखन चामल राहत सहयोग वितरण गरिएको छ । विभिन्न विदेशी दातृ संस्थाको लगभग बीच लाख आर्थिक सहयोगमा बाह्र सय चालिस बोरा चामल सिन्धुली देखि खरिद गरी कोभिड महामारीमा राहत वितरण गरिएको शेर्पा स्कुलको निर्देशक आङ नुरी शेर्पाले बताउनुभयो ।

संस्थाले भुकम्पको समय देखि यस अगाडि पनि बिपत्तिमा लाखौं रूपैयाँको विभिन्न राहत सहयोग कार्यक्रम सञ्चालन गरिएको शेर्पाले बताउनुभयो ।

टोकनको आधारमा वितरण गर्दा बाम्तीमा लगभग एक हजार बोरा चामल राहत सहयोग वितरण गरिसकेको र राहत छुट भए पछि नामावली संकलन गरि चामल वितरण गर्ने पनि शेर्पा जानकारी दिनुभएको थियोे ।

केही पनि नहुनु भन्दा केही हुन राम्रो भन्ने भनाइलाई मध्ये नजर गरी यो कोभिड-१९ राहत प्याकेज ल्याएको र कुनै पनि कार्य गर्न सहकार्यको आवश्यकता भएकोले वडा तथा गाउँपालिकासंग सहकार्य गरेर काम गरिएको शेर्पाले बताउनु भएको थियो ।

यो संक्रमणकालीन अवस्थामा राहत ल्याएकाले धन्यवाद दिदै तथ्यांकअनुसार गाउँपालिकाले पनि सो संस्थालाई सम्मान गर्ने प्रमुख शेर बहादुर सुनुवारले जानकारी दिनुभएको आङ नुरी शेर्पाले बताउनु भएको थियो ।