रामेछाप । विद्यालय क्षेत्र बढी जोखिम भएकाले उमाकुण्ड गाउँपालिका भित्रका सम्पूर्ण सामुदायिक तथा संस्थागत विद्यालयका शिक्षक, विद्यालय कर्मचारी र बाल विकास सहजकर्ताहरूलाई कोरोना विरुद्धको पहिलो मात्रको खोप दिने तयारी गरिएको छ ।

साउन ६ र ७ गते सञ्चालन गरिने खोप लगाउन गुम्देल स्वास्थ्य चौकी, बाम्ती प्राथमिक स्वास्थ्य चौकी, कुँबु स्वास्थ्य चौकी, च्यादलु सामुदायिक स्वास्थ्य इकाई, प्रिती स्वास्थ्य चौकी, गुप्तेश्वार स्वास्थ्य चौकी र भुजी स्वास्थ्य चौकी सहित सातवटा खोप केन्द्रहरू तोकिएका छन् ।

खोप लगाउन विद्यालयले आफ्नो विद्यालयमा कार्यरत शिक्षक र कर्मचारीहरूको विवरण एकमुष्ट खोप केन्द्र पठाउनुपर्ने र खोप लिने व्यक्तिले आफ्नो परिचय खुल्ने कागजात सहित खोप केन्द्रमा पुग्नुपर्ने व्यवस्था मिलाएको उमाकुण्ड गाउँपालिका शिक्षा शाखाको कर्मचारी ङावा शेर्पा जानकारी दिनुभयो ।

५५ बर्ष उमेर माथिका नागरिकहरू, सार्वजनिक यातायातका चालक तथा सहचालकहरू र नेपाल सरकारले तोकिएको अत्यावश्यक सेवाका व्यक्तिहरूले पनि खोप लिनसक्ने छन् ।