धरान । गत जेठमा आएको अविरल वर्षाबाट पीडित नौ परिवारलाई जन्म दिनको अवसरमा राहत वितरण गरिएको छ ।

हाल हङकङ निवासी सौगात वर्देवाको जन्म दिनको अवसरमा पिडितलाई राहत वितरण गरिएको छ । करिब २२ हजार रुपैया बराबरको राहत खाद्यान्न उपलब्ध गरिएको कुरा होप धरानका अध्यक्ष निश्चल पलिखेले जानकारी दिए ।

गत जेठमा आएको बाढिले क्षती पुर्‍याएका नौ घरपरिवारको लागि धरान उपमहानगरपालिका वडा नम्बर ४ बाट नौजनाको नाम सिफारिस भएपछि सोही अनुसार राहत खाद्यान्न वितरण गरिएको बताए । राहत खाद्यान्न पाउनेमा भोर्लेनिका सोमिबहादुर राई,खैरेनीटारका रमेश तामाङ,योगेन्द्र लिम्बू,सुवास श्रेष्ठ,बसन्तटारका देविका राई,पत्रङवारिका रामप्रसाद राई,बिब्बामाय राई,झाँकिटारका फुलमाया राई र पानबारीका ५ वर्षे ब्रेन ट्युमर बिरामी अंकित खड्का रहेका छन ।

पिडितहरुलाई राहत धरान उपमहानगरका मेयर हर्क साम्पाङको हातबाट हस्तान्तरण गरिएका थिए । मेयर साम्पाङले जन्म दिनको अवसरमा पार्टी प्यालेसमा मनाउन सकिन्थ्यो तर बाढी पीडितलाई राहत उपलब्ध गरि मनाएको बताए । सबैको आर्थिक अवस्था कमजोर कमजोर भएको देशकै अवस्था कमजोर भएकोले काम गर्नुपरेको बताए । केही ब्यक्तिले यसरी सहयोग गरिदै आएकोमा खुशी व्यक्त गरे ।