संखुवासभा (शिङ्सालुङ) । डुल लो ज्यालो लोसर तथा बिक्रम सम्वतको नयाँ वर्षको अवसरमा च्याम्ताङ युथ कलबको आयोजनामा तीन दिने दच्ची तीर ( आर्चरी) हान्ने खेल खेलाईने भएको छ ।

भोटखोला गाउँपालिकाको आर्थिक सहयोगमा आगामी बैशाख १०,११ र १२ गते शिङ्सालुङ दम्दाङ (च्याम्ताङ) मा खेलको आयोजना गरिने कुरा आयोजक च्याम्ताङ युथ क्लब (CYC ) ले जानकारी दिएको छ ।

खेलमा प्रथम पुरस्कार नगद ५० हजार रुपैया तोकिएको छ । त्यसैगरी दोस्रो पुरस्कार ३० हजार रुपैया तेस्रो पुरस्कार नगद २० हजार रुपैया राखिएको छ । खेल अवधिभर उच्च अंक प्राप्त गर्ने र तारोमा सबैभन्दा बढी तीर हान्ने खेलाडिलाई नगद एक एक हजारको पुरस्कारको व्यावस्था गरिएको आयोजकले जानकारी दिएको छ ।

खेलमा एक टिममा व्यावस्थापक सहित ६ जना हुनुपर्ने शुल्क २ हजार तोकिएको छ । खेलमा क्लब,संघसंस्था,सनुह जोसुकैले भाग लिन पाउनेछ भने तीर र धनुष आधुनिक नभई परम्परागतको बाँसको हुनुपर्ने पनि नियम राखिएको जानकारी CYC का अध्यक्ष तामृङ हमुवाले दिए ।