धरान । आर्थिक वर्ष २०८१/८२ को विनियोजित बजेटको पहिलो सडक वडा अध्यक्ष नरेश इवारमको प्रमुख आतिथ्यमा उद्घाटन भएको छ ।

माघ ३० गते धरान १५ पाथिभरा लाईनको लुप क को सडक निर्माणकार्य सम्पन्न भइ उद्घाटन भएको छ । उद्घाटनका क्रममा प्रमुख अतिथि नरेश इवारमले यस आर्थिक वर्षको वडा नम्बर १५ को सम्पन्न भएको सडक मध्ये पहिलो भएको जानकारी दिए । सम्पन्न कामको प्रसंसा गर्दै वडाले एजिङ वालको शिर्षकमा वजेट विनियोजन गरिए पनि स्थानीय उपभोक्ताक्क शसक्तिकरणका कारण बाटो बनिएको बताए ।

पाँच वर्ष टिक्ने प्राविधिक टिकाउको मान्यता भए पनि उक्त सडक कम्तिमा ३० वर्षको टिकाउ हुने खालको बनेको दाबी गरे । कुनै पनि ठेक्का पट्टमा दिएको भए कम्तीमा पाँच लाख बराबर खर्च हुने भन्दै वडाले विनियोजन गरेको बजेटमा स्थानीयले थप सहभागिताले बाटो राम्रो सम्पन्न भएको बताए ।

पाथिभरा टोल विकास संस्थाका अध्यक्ष गोपाल राईले यस टिल विकासमा यस्ता धेरै बाटो बनाउन बाँकी रहेको भन्दै आगामी आर्थिक वर्षमा यस्ता बाटो बनाउन स्थानीय सरकारले बजेट उपलब्ध गराउनुपर्ने बताए ।

आर्थिक वर्ष २०८१/८२ मा धरान उपमहानगरपालिका वडा नम्बर १५ ले बाटोको लागि २ लाख रुपैया विनियोजन गरिएका थिए । लुपमा वडा समिति नजिकै रहेको करिब दुई सय /दुई सय मिटर रहेकोे दुईवटा कच्ची बाटो रहेका छन । दुबै बाटोको लागि एजिङ बाल ड्रेनको लागि भनिए पनि स्थानीय उपभोक्ताले एउटालाई पुर्णरुपमा सम्पन्न गर्ने भनिएपछी क लाई प्राथमिकतामा राखेर निर्माणकार्य अगाडि बढाएको थियो ।

जसका लागि भगिराज श्रेष्ठ अध्यक्ष निमा पोङ्स्युवा सचीव पशुपति याक्खा कोषाध्यक्ष र सदस्यहरु जसिना श्रेष्ठ,पवित्रा ताम्राकार,जय बिक,मदन चौधरी रहेको सात सदस्यीय निर्माण उपभोक्ता समिति गठन गरि माघ १ गतेदेखि निर्माणकार्य शुरु गरि २५ गते सम्पन्न भएको थियो ।
वडा समितिले २ लाख विनियोजन गरेपछि स्थानीय उपभोक्ताले एक लाख १३ हजार रुपैया सहित कुल ३ लाख १३ हजार रुपैयामा सिँढी सहितको सडक बनेको हो ।