धरान । नेपाली लेखक संघले कोशी साहित्य संवाद आयोजना गर्ने भनेर प्रचार सामग्रीमा कोशी लेखिएको भन्दै चौतर्फी बिरोध भएपछि कोशी हटाएको छ ।

यस अघि प्रचार सामग्रीमा कोशी साहित्य संवाद लेखिएको ठाउँमा पुर्वेली साहित्य संवाद सच्याएको छ । काठमाडौमा पौष १२ गरिने भनिएको उक्त कार्यक्रमको प्रचार सामग्रीमा कोशी लेखिएको भन्दै चुनौती सहित सामाजिक संजालमा व्यापक बिरोध भएका थिए । काठमाडौमा गरिने कार्यक्रममा कोशि नाम दिएर आन्दोलनकारिलाई चुनौती दिएपछि आयोजकलाई चर्को दवाब पुगेका थिए । कार्यक्रममा बैरागी काँइला,अभि सुवेदी,गोबिन्द भट्टराईको विशेष उपस्थिति रहने उल्लेख थिए ।

वर्खामा भन्दै कोशी नाम खारेजी आन्दोलन स्थगित भएका थिए । हिँउद शुरु भएपछि मंसिरबाट आन्दोलन गर्ने भन्दै बिराटनगरमा जनसभा गर्दै आन्दोलनको खाका सहित नाम खारेजी आन्दोलन पुन शुरु गरिसकेको छ । त्यही क्रममा झापाको दमकमा भ्यु टावर उद्घाटन गर्न पुगेका केपि ओलिलाई कालो झण्डा देखाएर बिरोधको थालनी गरिसकेको छ ।

यतिसम्म हुँदाहुँदै पनि आन्दोलनकारिलाई नजर अन्दाज तथा चुनौती दिदै काठमाडौमा गरिने कार्यक्रमलाई कोशी साहित्य संवाद नाम दिदै कार्यक्रमको आयोजना गर्ने तयारी गरेका थिए ।