दिपेश रोक्का । काठमाडौ

यहि असोज ११ बाट रिलिजको तयारीमा रहेको चलचित्र सानो संसारको पहिलो गित मग मग फुलबारी बोलको गित राजधानीमा एक कार्यक्रम सार्वजनिक गरिएको छ । संगीतकार राजनराज सिवाकोटीको शब्द तथा संगीत रहेको गीतमा मेलिना राई र संगीतकार सिवाकोटीको स्वर रहेको छ ।

विवाहको सेटअपमा तयार पारिएको सिनेमाको सार्वजनिक गीतमा सिनेमाका प्रायः सवै मुख्य कलाकारहरु फिचर्ड छन् । शरद महतोले खिचेको सार्वजनिक गीतको भिडियोमा सुजैन खड्का र मनोज खड्काको कोरियोग्राफी हेर्न सकिन्छ । चलचित्रमा हास्यकलाकार माग्ने बुढाको श्रीमती सितादेवी तिमल्सिनाले डेब्यु गरेकी छिन । पारिवारिक कथा विषयलाई चलचित्रमा समेटिएको निर्माण टिमले जानकारी दिएको हो ।

चलचित्रमा सीता देवि तिमल्सिना , अलवा राज पंगेनी शर्मा, अनु दाहाल, अन्जसा रिजाल शिशिर सिवाकोटी, सरिता भण्डारी र जीवन गौतमको अभिनय रहेको छ । यी सवै कलाकारले नेपाली रजतपटमा डेव्यु गर्दैछन् ।

राजधानी मिडिया एड प्रोडक्सन र प्रिन्सेस मूभिजको व्यानरमा चलचित्र निर्माण भएको छ । अर्जुन कुमार निर्माता रहेको चलचित्रमा कार्यकारी निर्माता माधव वाग्ले हुन् । राजधानी मिडिया र प्रिन्सेस मूभिजले सिनेमालाई संयुक्तरुपमा प्रदर्शन गर्नेछ । सिद्वार्थ पुडासैनीले चलचित्रलाई निर्देशन गरेका छन् । सरिष्मा खत्री र सिद्वार्थ पुडासैनीको चलचित्रलाई लेखेका हुन् ।

प्रवीन खड्काको छायांकन र रोमी तन्डुकारको सम्पादन रहेको सिनेमाको डिजिटल पाटर्नर म्युजिक नेपाल र क्रिएटिभ पाटर्नर टुनामुना कन्सेप्ट हो ।