धरान। धरानमा आजबाट शुरु भएको ट्राफिक सप्ताहको अवसरमा नगरपरिक्रमा गर्दै प्रभातफेरी गरिएको छ । विद्यार्थी विभिन्न संघ संस्था स्काउट लगायतको उपस्थितिमा नगरपरिक्रमा भएको थियो ।

त्यसपछि सिद्धिनेवा परिषदमा पुगेर औपचारिक कार्यक्रम भएको । कार्यक्रम उद्घाटन सत्र धरान उपमहानगरपालिकाका मेयर हर्क साम्पाङ्ग प्रमुख आतिथ्यमा भएको थियो ।

मेयर हर्क साम्पाङ्गले मृत्युको कारण हेर्ने हो भने सवारी दुर्घटनाबाट बढी संख्यामा ज्यान गुमाइरहेको बताए । मेयरले ट्राफिक सप्ताह जीवनको सुरक्षाको महत्वको कार्यक्रम रहेको बताए । उनले दुर्घटना सम्बन्धि कारण ट्राफिकलाई बढी थाहा हुने भन्दै तर आफूले बुझेको तीन कारण रहेको बताए । जसमा प्राकृतिके कारण पहिलो रहेको बताए । बाटोघाटो खाल्डाखुल्डी हुनु,सडक साघुरो हुनु प्राविधिकले बाटो सही नबनाउनु पनि आफूले प्राकृतिक कारणमा राखिएको बताए । अर्को कारण भनेको मेशिनरी भएको बताए । मेसिन बिग्रिने ब्रेक फेल हुने जसको कारणले सवारी दुर्घटना हुने बताए । तेस्रो कारण भनेको मानवीय लापरवाही रहेको बताए । मानवीय लापरवाही सबैभन्दा बढी दुर्घटनाको कारण रहेको बताए । मादक पदार्थ सेवन मापसे लागूपदार्थ सेवन लापसे गरेर सवारी चलाउने गरेको कारण बढी दुर्घटना भएको बताए। त्यसैले यस्ता कुरा भनिरहनु नपर्ने भए पनि बढी दुर्घटना भइरहेको बताए।