लजेश राई
जेठ ७,धनकुटा । धनकुटा जिल्ला साँगुरीगढी गाउँपालिकाको आयोजनामा तीनदिने आधारभुत पत्रकारीता तालिम भैरहेको छ ।

आर्थिक वर्ष २०८० को लक्षित वर्गको बजेट अन्तर्गत स्थानीय युवा पत्रकारिता तालिम कार्यक्रम अन्तर्गत पत्रकारिता तालिम गरिएको कुरा साँगुरिगढी गाउँपालिकाका अध्यक्ष जितेन्द्र राईले जानकारी दिए । तालिम साँगुरीगढी गाउँपालिकाको भेडेटार भिलेज रिसोर्टमा भैरहेको छ । जेठ ६ गतेदेखि शुरु भएको तालिम ८ गते समापन हुँदैछ । पत्रकारीता तालिमको लागि बिश्रान्ती मिडिया एन्ड रिसर्च सेन्टर धनकुटाले सहजीकरण गरिरहेको छ ।

साँगुरीगढी गाउँपालिकाको प्रत्येक वडाबाट २ जना सहभागी सहितको तालिम भैरहेको छ । महिला पुरुष गरेर तालिममा १९ जना सहभागी रहेका छन । साँगुरीगढी गाउँपालिकामा १० वटा वडाहरु छन ।