लजेश राई

धनकुटा । साँगुरीगढी गाउँपालिका ९ स्थित सिंहकाली माध्यामिक विद्यालयमा कक्षा ११ संचालन गर्नका लागि पुर्ण राई र मनुका राईबाट पचास हजार पाँच सय पचपन्न रुपैया आर्थिक सहयोग गरेको छ ।

साँगुरीगढी वडा नम्बर ९ घर भै हाल दक्षिण कोरियामा वैदेशिक रोजगारमा रहेका पुर्ण दम्पतीले विद्यालयलाई आर्थिक सहयोग गरेको जानकारी दिएको छ । पुर्ण र मनुकाको छोरा खिमसन राईको पहिलो जन्म दिनको अवसर पारेर विद्यालयलाई आर्थिक सहयोग गरेको कुरा साँगुरीगढी गाउँपालिका वडा नम्बर ९ का वडा अध्यक्ष जे बि राईले जानकारी दिए ।

सिंहकाली विद्यालयले यसवर्षबाट कक्षा ११ संचालन गर्नका लागि भन्दै आर्थिक संकलन थालिएको छ । विद्यालयले जानकारी दिए अनुसार पहिलो चरणमा यस विद्यालयमा कक्षा ११ संचालन गर्नको लागि ६ लाख ३० हजार ३१६ रुपैया संकलन भएको छ ।