दिपेश रोक्का / विराटनगर
विराटनगर , १६ वैशाख । नेपाली चलचित्र मनसरा यहि वैशाख २१ गते देशभर प्रदर्शनमा आउने भएको छ । नेपाली चलचित्र मनसरा लिजमा जग्गा लिएर बसेका ब्यक्ति तथा कृषि पेशामा अपनाएर बसेको कथा विषय – बस्तु रहेको कार्यकारी निर्माता सिजन दाहालले बताए

यहि वैशाख २१ गते देशभर प्रदर्शनमा आउन लागेको चलचित्र मनसराको बारेमा आज विराटनगरमा पत्रकार सम्मेलन गरि चलचित्र निर्माण टिमले जानकारी गराएको छ । चलचित्र मनसराको प्रीमीयर वैशाख २० गते विराटनगरमा गर्ने चलचित्र निर्माण टिमले जानकारी दिएको छ । चलचित्र मनसराको छायांकन ललितपुरको गाउँमा तथा पाँचथरको यासोकमा गरिएको छ ।

यस चलचित्रमा दयाहाङ राई , मिरुना मगर , प्रवीण खतिवडा तथा मेनुका प्रधानको अभिनय रहेको छ । चलचित्रको लेखन तथा निर्देशन उपेन्द्र सुब्बाले गरेका छन भने कार्यकारी निर्माता सिजन दाहाल रहेका छ्न । किरण चाम्लिङ राई मुख्य सहायक निर्देशक हुन ।