चार वर्षपछि ४० प्रतिशत शुल्क बढाएको हो,केही अभिभावकले अनावश्यक बखेडा निकाले – विष्णु मेमोरियल स्कुल

पौष २७, धरान । पाँच विद्यार्थी संगठनले तीन दिन अघि धरानको बिष्णु मेमोरियल स्कुलमा चर्को शुल्क वृद्धिको बिरोधमा लेखा शाखामा ताला लगाएपछि चार वर्षपछि ४० प्रतिशत शुल्क वृद्धि गरेको खुलेको छ ।

ताला लगाएपछि मंगलबार स्कुल परिसरमा पत्रकार सम्मेलन गर्दै स्कुलका प्रीन्सिपल बेनिन्द्र कट्वालले चार वर्षपछि ४० प्रतिशत शुल्क वृद्धि गरेको बताए । प्रीन्सिपल कट्वालले सामुदायिक बिद्यालयमा सरकारले तलब वृद्धि गर्दा आफ्ना स्कुलमा पनि तलब बढाएर दिने गरिएको बताएउदै बिगत चार वर्षदेखी शुल्क वृद्धि नभएको बताए ।

धरान उपमहानगरपालिका वडा नम्बर ९ आचार्य लाईनमा रहेको बिष्णु मेमोरियल स्कुलमा चर्को शुल्क वृद्धि गरेको भन्दै १०३ जना अविभावकले नगरपालिकामा उजुरी समेत गरेका थिए । त्यसपछि धरानमा रहेका पाँच विद्यार्थी संगठनले सामुहिक रुपमा स्कुलको लेखा शाखामा ताला लगाएका हुन ।

प्रेस बिज्ञप्तिमा बिष्णु मेमोरियल माध्यामिक बिद्यालय धरान ९ का बिषयमा विभिन्न सामाजिक संजालहरुमा भ्रामक, तथ्यहिन र अनर्गल प्रचारवाजी हुँदै आएको आरोप लगाएको छ । स्कुलले कोभिड १९ को असहज परिस्थितिमा धरान उपमहानगरपालिकाले गरेको शैक्षिक शुल्क सम्बन्धि मापदण्ड र विद्यालयले लिएको शुल्क सम्बन्धि बिषयलाई लिएर विवाद सिर्जना गरि बिद्यालयको शैक्षिक वातावरण खलल पुर्‍याउने अनावश्यक हस्तक्षेप गर्ने र तथ्यहिन कुरा प्रचार गरि विद्यालयलाई बदनाम गराउने प्रयत्न भएको आरोप लगाएको छ ।

विष्णु मेमोरियल स्कुल राज्यको ऐन कानुन अनुसार चलेको शैक्षिक संस्था भएको भन्दै नगरपालिकाले निर्देशन दिए बमोजिम अबिभावकसंग बसेर शुल्क निर्धारण गरेको दाबी गरे ।

पत्रकार सम्मेलनमा कोरोनाले असहज भएको अवस्था हो भने स्कुलले निशुल्क पढाउने दाबी गरे । प्रीन्सिपल कट्वालले अन्य बिद्यालयले समेत शुल्क बढाएको दाबी गरे । उनले भने -` विद्यार्थी संगठनले उनिहरुलाई कार्वाही किन गर्दैन?´ उनले अरु बिद्यालयले १०/२० प्रतिशात वृद्धि गर्दा पनि पुगे पनि आफ्नोमा भने त्यतिले नपुग्ने बताए । त्यही भएर ४० प्रतिशतसम्म वृद्धि गरेको बताए । उनले अरुको स्कुल र आफ्नो स्कुलको समेत तुलना गर्न बताए ।

नेपाल सरकारले सामुदायिक बिद्यालयमा २०७६ सालमा २० प्रतिशत,२०७८ सालमा रु २ हजार गरि दुईपटक कर्मचारीको तलब वृद्धि गरेको बताए । चार वर्षमा शुल्क वृद्धि नगरेको तर त्यो अवधिमा सरकारले तलबमा बढाएको र महंगिले समेत आकाश छोएको भन्दै शुल्क वृद्धि गर्नको कारण बताए । त्यस अवधिमा भर्ना शुल्कमा ५० प्रतिशत छुट गरेको मासिक शुल्कमा ४० प्रतिशातबाट ३० प्रतिशात झारिको पनि दाबी गरे ।

बिष्णु मेमोरियलमा जम्मा ११३५ जना विद्यार्थीहरु मध्ये ९० प्रतिशतबढिले शुल्क बुझाएर सहयोग गरेको भन्दै केही अभिभावकले अनावश्यक बखेडा सिर्जना गरेर राजनीतिकरण गरि बिद्यालयलाई समाजमा बदनाम गराउन खोजिएको आरोप लगाएको छ ।
लगाएको ताला वार्ताबाट नै खोलिने भन्दै तत्कालीन अवस्था विद्यार्थीहरु पुर्व तयारीकासाथ आएकोले आधा पनि वार्तामा नबसी ताला लगाएको बताए ।(बिज्ञपत)

टिप्पणी गर्नुहोस

Discussion about this post

ताजा अपडेट

लोकप्रिय

सम्बन्धित समाचार

error: सामग्री सुरक्षित छ !